Skip to content
Advertisements

Press Release, Shankarapur Paragliding

Pressmeet Shankarapur

 

प्रेस बिज्ञप्ति

आदरणीय पत्रकार मित्रहरु,

शंखरापुर प्याराग्लाइडीङ्ग प्रा. लि. को निमन्त्रणा स्विकार गरी यहाँ उपस्थित हुने सम्पूर्ण पत्रकार मित्रहरुलाई सर्वप्रथम स्वागत गर्न चाहन्छु । हामीले काठमाडौंको पूर्वी भेगमा रहेको शंखरापुर नगरपालिकामा प्याराग्लाइडीङ्ग सुरु गरेको जानकारी गराउन यहाँहरुलाई निम्त्याएका हौँ ।

शंखरापुर नगरपालिकामा रहेको प्राचिन शहर साँखुबाट ५ किलोमिटर तथा पर्यटकीय गन्तब्य नगरकोटबाट ७ किलोमिटरको दुरिमा रहेको रमणीय जहरसिंह पौवाको टापुबाट विभिन्न हिमालि शृंखलाका साथै काठमाडौं र भक्तपुर शहर तथा मेलम्चीसमेतको दृश्यावलोकन गर्न मिल्ने गरी यो प्याराग्लाइडीङ्ग सुरु गरेका हौँ । शाहसिक खेलकुदमा रुची भएकाहरुलाई काठमाडौंमै उत्कृष्ट गन्तब्य दिने हाम्रो उद्देश्य हो । यसले नेपालको खेल पर्यटनमा पनि उल्लेख्य टेवा पुग्ने हामीले विश्वास हामीले लिएका छौं ।

पत्रकार मित्रहरु,

समुन्द्री सतहबाट १९०५ मिटरको उचाइमा रहेको जहरसिंह पौवाको टापुबाट टेकअफ गरेपछि झन्डै ३० मिनटको उडानपछी शंखरापुर नगरपालिकामै रहेको पतापमा ल्यान्ड हुनेछ ।

शंखरापुर प्याराग्लाइडीङ्ग प्रा. लि. नेपालमा पाईलट उत्पादन गरेर उडान सुरु गर्ने शायद एकमात्र प्याराग्लाइडीङ्ग कम्पनी हो । हामीसँग अहिले १२ जना सोलो तथा ४ जना व्यावसायिक टेन्डम पाईलट हुनुहुन्छ । हामीले संस्कृति पर्यटन तथा नागरिक उड्डयन मन्त्रालय र नागरिक उड्डयन प्राधिकरण तथा स्थानीय प्रशासनको अनुमतीमा २०७० बाट सोलो तथा २०७१ बाट व्यावसायिक टेन्डम उडान सुरु गरेका थियौँ । यसबाट हामीसँग दिनमा १५ वटासम्म व्यावसायिक फ्लाईट गर्न सक्ने क्षमता रहेको जानकारी गराउन चाहन्छौ । उडान सुरु गरेको तीन वर्ष पूरा भईसक्दा हामीले १ हजारभन्दा बढीलाई सेवा प्रदान गरिसकेका छौं ।

प्याराग्लाइडीङ्ग गर्न आउनुहुने सौखिन पर्यटक तथा शाहसिक खेलप्रेमीको सुविधाका लागि शंखरापुर प्याराग्लाइडीङ्गले काठमाडौंबाट लाने ल्याउने तथा त्यहाँ सुविधा सम्पन्न होटेलमा बसोवासको व्यवस्था मिलाउने छ ।

अन्त्यमा हाम्रो निमन्त्रना स्विकार गरी उपस्थित हुने सम्पूर्ण पत्रकार साथीहरुलाई धन्यवाद ज्ञापन गर्न चाहन्छु । भविष्यमा पनि यहाँहरुको यस्तै साथ र सहयोगको अपेक्षा सहित बिदा हुन्छु । धन्यवाद

कुशल थापा
प्रबन्ध निर्देशक

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: